Յուրաքանչյուր ոլորտում, հատկապես ուսումնառության շրջանում շատ կարևոր է գնահատված լինելը։ Ինչպես գիտենք, գնահատումը լինում է նաև ուսուցանող և նրա նպատակն է պարզել և սովորողին հասկանալի դարձնել, թե ուսումնական գործընթացում որտեղ ենք գտնվում, ուր ենք ուզում գնալ, ինչու ենք ուզում գնալ և ինչպես պետք է գնանք։
Իմ պատկերացումները սերտորեն համընկնում են Մխիթար Սեբաստացի կրթահամալիրի գնահատման մասին որդեգրած քաղաքականությանը։ Այստեղ դասավանդողները հատուկ նպատակ ունեն սովորողի հետ կիսել ուսումնական գործընթացը և ապահովել, որ բոլոր սովորողները իրացնեն իրենց ամբողջ ներուժը։ Մեր կրթահամալիրում կիրառվում է կառուցողական մանկավարժություն, այն է, որ սովորողի կարողությունը ամրագրված չէ և բնականաբար ենթարկվում է փոփոխության, այն շարունակական աճում է, ինչը վկայում է մեր էլեկտրոնային մատենավարությունը։
Ես հպարտ եմ, որ մեր կրթահամալիրում շեշտը դրվում է ոչ թե միավորային գնահատման վրա, այլ որ ուսուցումը համապատասխանի յուրաքանչյուր սովորողի զարգացման մակարդակին։
Ծնող՝
Լիլիթ Ալավերդյան
Ֆիննական կրթական ծրագրի համակարգող/ Թարգմանիչ